Godt råd

“Her editorial suggestions consisted of suggesting that I finish it, which frankly is the best editorial suggestion anyone can make.“

- Neil Gaiman 

Fantasy-Avil

	Hvilken historisk personlighet er du?
	Mitt resultat: J.R.R. Tolkien Du er mannen bak fantasysjangeren, og den moderne tids aller mest populære eventyrforteller. Din fantasi er enorm, som også din kunnskap om historie, språk og kulturer. Du er en skapende person, og du kommer til å skape mye stort i ditt liv, og bringe glede til mange hjerter.
	Ta denne quizen på Start.no

Det er forventet store mengder nedbør, temperaturer opp mot 13 grader

Ting å gjere når hundedagane viste seg å likne ein alminneleg vestlandsvinter:

• Bygge ein TIE Interceptor i LEGO.
• Bygge ein Jedi Starfighter i LEGO.
• Bygge ein B-Wing Fighter i LEGO.
• Bygge ein Imperial Star Destroyer i LEGO.

Om ein då ikkje berre skriv ei bok eller noko, altså.

Ringeklokke og dørskilt (ein poll)

Dette er ein heimesnikra poll. Det betyr at du i kommentarfeltet kan svare ja eller nei eller veit ikkje på ein bestemt problemstilling. Folk som er sørgeleg rigide og overorganiserte og tvangsprega og konforme (altså dei som har ringeklokke og/eller dørskilt) kan berre la vere å svare. Dersom ingen svarer går eg ut frå at alle meiner det er uhørt å bruke tid på slikt som ringeklokker og dørskilt, då dette er for dei sørgeleg rigide og overorganiserte og tvangsprega og konforme (altså dei som me ikkje vil assosierast med).

Spørsmål: HAR DU RINGEKLOKKE OG/ELLER DØRSKILT?
Svaralternativ:

1. Nei.
2. Veit ikkje.
3. Anna: Forklarer med eigne ord i kommentaren.

Alve-Avil

	Hvem er du i Ringenes Herre?
	Mitt resultat: Galadriel Alvedronningen Galadriel er vakker, klok og snill. Ligner du mye på henne kan du være stolt!
	Ta denne quizen på Start.no

Spørrekonkurranse II

Til glede for Skorpionkvinnen kjem dagens andre spørrekonkurranse:

 Kvar er sitatet “Hysj, ikke noe hurra” henta frå?

Din personlege skytshest

Ljos i kjømda byr i dag sine lesarar å komme i kontakt med deira heilt eigen skytshest.

Levert med pyntedingsar og hårbørste, for den moteriktige engleprinsesse.
Til salgs for ein rimeleg penge sjølv langt ute på landet.

Produktnamn: Flutterwing Princess!

Nettvett

Frida freistar å gjere nettet køyrbart og farbart og slikt. Sjølv er eg oppvaksen på lukka nettforum, og etter eit kort halvår i blåggebyen ser eg at gamle vanar ikkje let seg endre. Eg er sikkert ein hund eller noko. Men altså, eg føler veldig for å formulere mine eigne reglar på nett.

1. For guds skuld ikkje berre jatt. Jatting gjer seg knapt nok munnleg, og aldri skriftleg. Ta deg litt saman og forsøk å formulere noko med bittelitt innhald, anten det er morsomt, politisk, opprørande, freistande eller irriterande.

2. By på deg sjølv. Du kan aldri spele ei rolle betre enn du kan vere deg. Folk trur dei kan “innta posisjonar” i debattar, og vere interessante. Det kan dei ikkje. Dei vert berre irriterande på den teite måten. Og ikkje tru at du kan skape ei truverdig rolle over tid. Du berre spelar ut dine eigne fordommar. By på deg sjølv, og opne opp for kreativitet, mangfald, refleksjon, empati og reelle møter.

3. Det er lov å være ærleg, det er lov å seie unnskyld, det er lov å vere engasjert, det er lov å innrømme feil, det er lov å ta omsyn til andre, det er lov å drite seg ut, og det er lov å tenke seg om før ein postar.

4. Men for guds skuld ikkje berre jatt.

5. Alt kan vere interessant for andre, om du følger dei øvrige reglane.

6. Det er ikkje noko poeng i å krangle med idiotar.

7. Det er ikkje andre som “øydelegg diskusjonen med å henge seg opp i skrivefeil”. Det er du som øydelegg kommunikasjonen med andre ved å skrive dårleg.

8. Alle kan ikkje elske alle.

9. Alle kan ikkje forstå alle.

10. Men nokon er verkeleg idiotar.

Underhaldning i pausen

Medan eg har sommarferie, kan de jo gå på oppdagingsferd i denne nydelege blåggen. Fine bilete, sjarmerande tekstar, sympatisk fyr.

Der fann eg mellom anna dette dramaet, der ein løveflokk, ein krokodille og ein bøffelflokk slåss om ein tøff, liten kalv:

Oslo for bygdefolk

Dette treng landsbyidiotar som meg å vite om Oslo:

1. Frå Gardermoen går det flytog rett til Oslo S. Rett utanfor hovudingangen finn du Trafikkanten og der inne svarar dei på sånne teite spørsmål om kvar ting er og slikt. Men viktigst: Dei gir deg eit kart. På kartet lagar dei gjerne små ringar kring dei stadene du har spurt om. Dette kartet beheld du i veska.

2. Trikkar går i eit virvar overalt. Det er ikkje så lett å vite kva trikk ein skal på. Men ein kan spørje. Om dei som ventar på trikken ikkje kan svare, så kan trikkesjåføren. Dei er mykje greiare og meir sørvisinnstilla enn du kan drøyme om. Men du må snakke fort og komme til poenget og ikkje dra ut sånne lange Alta-setningar, for då køyrer dei berre vidare og du kan du bli hengande halvt ut av trikken og døy.
Bruk heller kartet du har i veska og spør kjapt.

3. Det er minibankar inni Deli de Lucaene og Seven 11ane. Og dei er overalt. Der selger dei også tannkost og kondom og deodorant og kaffe og noko du kan ete til frukost på veg heim. For å finne heim att til hotellet eller kursstaden: bruk kartet du har i veska.

4. Om du skal frå Karl Johan-sentrum til Grünerløkka-sentrum må du gå over ei bru der du kan få kjøpt narkotika, bli rana eller valdteken, eller i alle fall bli fortalt etterpå at alt dette kunne skjedd.

5. Sentrum er ikkje større enn at du kan gå overalt, dei beste restaurantane er indiske, og dei beste butikkane finn du sikkert ikkje. La være å bruke pengane dine på ræl, sett deg heller på ein utekafe og røyk masse så lenge det er lov, og sjå på horene så lenge det er lov.

6. Når du er full bør du ta drosje.

7. Ikkje ha høge forventingar. Det er ein ganske stygg og ganske liten og ganske keisam by.

Dessert

Etter to ventepølsepostar og ein minnepost og ein slags verkeleg post, kjem dessertposten.

Dette er eit dikt av festspeldiktaren Tone Hødnebø, og ho har lese det høgt så mange gonger så mange stader at eg hugsar det omlag utenat og dermed er det klistra til hjernen min og den kan ingen ha kopirettar til på eit vis, eller noko. Eventuelt: Løp og kjøp.

Det er ikke morgen, det er ikke kveld,
det er ikke dag, det er ikke natt,
det er ikke sommer, det er ikke høst,
det er ikke vinter og det er ikke vår,
men vinden blåser i trærne og trærne
lar seg rive med. Trærne lar seg rive med

Ventepølsepost II

Privat huskeregel

Du skal ikke klistre fine øyeblikk
opp på veggene i tankene
og forgylle dem med lengselen din.
Du skal kjøre spettet
hardt innunder arrete hverdager
og vippe dem opp.
En etter en.

Det er derfor
livet har deg på mannskapslista.

Kolbein Falkeid

Ventepølsepost

I vår familie griller me ventepølser som ein kan ete medan ein venter på at den verkelege grillmaten vert ferdig. Dette er ein ventepølsepost. Ein slik post du kan lese medan du venter på at det kjem ein verkeleg post.
Og kva er vel lettare å fordøye enn eit Stein Mehren-dikt?

Jeg holder ditt hode

Jeg holder ditt hode
i mine hender, som du holder
mitt hjerte i din ømhet
slik allting holder og blir
holdt av noe annet enn seg selv
Slik havet løfter en sten
til sine strender, slik treet
holder høstens modne frukter, slik
kloden løftes gjennom kloders rom
Slik holdes vi begge av noe
og løftes
dit gåte holder gåte i sin hånd
Stein Mehren

Ut på det bårute havet

No pakkar eg snippsekken og laptopen reiser og reiser dit Djevelen ikkje kan hefte meg med Internett.

Ha ei strålande helg! O’hoi!

Jonas på puta

Eg er på sørvissida for tida.
Sidan eg var litt seint ute til jobb i dag fekk eg med meg litt av eit P3-intervju med Jonas Gahr Støre, på min analoge bilradio.

Han kunne fortelje at:
- han likar ikkje store puter som får hovudet til å bli skeivt
- då søv han heller utan pute
og
- han sovnar på magen

Tenk litt på det, jenter. God helg.

Det med liten skrift

Favorittstripa mi åtvarar om at den til tider nyttar eit språk som ikkje høver for born, humor som ikkje høver for vaksne og matematikk som ikkje høver for folk med HF-hovudfag.

I tillegg står det noko med så lita skrift at ein ikkje kan lese. Som ein særleg sørvis til Ljos i kjømda sine trufaste lesarar (som sjølvsagt også les teikneserien sidan eg linkar dit) har eg kopiert og forstørra det med liten skrift:

“We did not invent the algorithm. The algorithm consistently finds Jesus. The algorithm killed Jeeves. The algorithm is banned in China. The algorithm is from Jersey. The algorithm constantly finds Jesus. This is not the algorithm. This is close. “